Awareɛ Akwantuo

Awareɛ kwan ware ...

Awareɛ kwantuo no fapem nnyina ɔbaa anaaa ɔbarima  no a nob nkutoo so na mmom wɔn abusuafoɔ nso. Ɔbaa ne ɔbarima a wcrekɔ awareɛ no awofoɔ wɔ asdie soronko. Awareɛ no wɔ  daapem nsunsuansoɔ wɔ afanu no mmusua so. Enti Akanfoɔ awareɛ biara hia awofoɔ ne mmusua mpanyinfoɔ nhyira. Ɛyɛ awofoɔ asɛdeɛ sɛ wɔtete wɔn mma na wɔkyerɛkyerɛ awareɛ akwan. 

 Agya asedeɛ ne sɛ ɔtete ne mma mmarima firi wɔn mmɔfrase kɔsi sɛ wɔbɛo awareɛ. Ɔbarima se kyerɛ nnwuma a daakye ɔyɔ de abɔ bra. Ɔtuo nso ma no. Ɔba nyini ɔse fie, na ɔnka hɔ. Enti ne korakora agya ware ma ne ba barima. Sɛ agya bi toto n'asɛdeɛ ase na ne ba kɔfa obi yere a wɔde soboɔ agya no. Enti wɔgye agya no ayefare. Sa ara na ɛna nso yɛ ne ba baa. Ɔtete no, kyerɛ no  fieadeyɔ. Ɔkyerɛkyerɛ no mmaa hosiesie, awareɛ mu nkutahodie, sɛdeɛ wɔgye ahohoɔ ne deɛ ɛkekaho. Awofoɔ no  de wɔn nneyɔeɛ na ɛkyerɛ weinon nyinaa. Wɔse ɔkɔtɔ nwo anomaa ɛfirisɛ  Akanfoɔ gyedie ne sɛ ɔba fa n'awofoɔ nneyɔeɛ pii. Enti onipa hokanideɛ n'awofoɔ na ɛkyerɛ. 

Onipa a ↄnni amammerɛ yi ho nimdeɛ no bɛka sɛ dɛn nti na ↄntumi nware ↄbaa biara a ne bodwo so gyisɛ n’awofoↄ ama kwan ansa? Tete berɛ mu deɛ na Akanni biara nim sɛ ↄpanyin ano yɛ ↄbosom. Enti na wↄnim sɛ obi biara a ↄtwi fa n’awofoↄ asɛm so no de yaw pii wowↄ ne kra apɛdeɛ. Ne titiriw sɛ wↄde wↄn agya ano bɛwↄ fam. Na wↄbu saa nneyↄeɛ no mmusuo. Enti awareɛ biara awofoↄ ne mmusuo nsa nni mu no ↄhaw ne amanneɛ nkutoo. N’awieɛ yɛ apinisie ne awerɛhodie. Obi biara a ↄbu awofoↄ ne abusua nsɛm animtia n’aware kↄ mu no nya ↄbusuani biara ntwitwa nnye no n’awarensɛm mu. Sɛ ɛba no sa a ↄbaako ne n’abusuafoↄ tumi di ↄbaako no ani ɛfirisɛ ↄnnim ↄkamafo biara. Nti na ↄbaa ↄbadwenba biara wↄse no pɛ a deɛ ↄse ara ne sɛ: “Sɛ agya ne ɛnɛ pene so a mɛware wo.”

Nanso nnɛ deɛ ɛnyɛ nwanwa sɛ ↄdɛɛmani bɛbu n’ani agu n’awofↄoↄ agyinasi so ne titiriw ne wↄn a wↄwↄ nkuro akɛseɛ mu no. Sɛ wↄn awofoↄ yɛ kyenkyene ara twan sɛ wↄmpene awareɛ no so a wↄtumi tu kↄ tena ↄbarima a wↄse wↄdↄ no no so.

Awofoↄ de wↄn ani bu nnoↄma pii ansa na wↄagye awareɛ ama wↄn mma. Wↄhwɛ onipa abusua mu no nyinaa tebea. Wↄhwɛ sɛ ↄbaa anaa ↄbarima no yɛ wↄn ba no warefoↄ; asekyerɛ ne sɛ amammerɛ biara nsi kwan sɛ wↄware. Ↄbrima nni ho kwan sɛ ↄware n’abusuani. Wↄn a wↄbↄ ntↄn baako nso nware wↄn ho. Enti Asonani ntumi nware Asonani. Ɛna fam ne no. Sɛ ɛbɛ agya fam a, ↄbarima ntumi nware n’agya nua mmarima mma.

Deɛ ɛdi hↄ ne sɛ wↄhwɛ onipa a wↄn ba no rekↄ ware no no awofoↄ nso. Wↄhunu no sɛ abusua na ɛrekↄ awareɛ no na ɛnyɛ onipa kↄntɛnkorↄ no. Wↄkari wↄn daakye asew  no hwɛ sɛ wↄyɛ nnipa a wↄn ho dwo. Sɛ wↄhunu abusua no mu binom sɛ wↄyɛ ntↄkwapɛfoↄ , mansotwini, ↄnni ayɛ, ↄdufudepɛfoↄ ne ade anaa yare bↄne bi te sɛ kwata, tware wↄ abusua no mu a awofↄ no tia awareɛ no mu. Ɛba sa a wↄka sɛ:’ofie no mu nte nti yɛntumi mma wo nkↄ mu awareɛ.’ Bio, deɛ ↄbarima abusua hwehwɛ wↄ wↄn ba daakye yere ne sɛ ↄyɛ ↄdeyↄfoↄ, ↄwↄ ahobraseɛ, obuo, ↄte ne ho ase, wↄpɛ ↄsↄↄnↄ nso ɛno deɛ wↄmfa wↄn adwene nkↄ so pii. Sa ara nso na ababaawa awofↄ hwehwɛ sɛ wↄn ba daakye kunu yɛ nsiyɛfoↄ, na ne dua nso bↄ adwuma na ne ho nni asɛm.

Ababaawa no nua mmarima nso nnyɛ nhwɛ haa wↄ wↄn nua baa daakye kunu ho; ɛyɛ wↄn botaeɛ sɛ wↄn wↄasefonom bɛnya agya a ↄsi pi si ta, n’adwene mu dↄ, ↄnim de na ↄwↄ suban pa. ɛfirisɛ wↄn wↄfasenom na ɛbɛdi wↄn adeɛ daakye. Enti wↄ ka sɛ wonnim deɛ daakye ↄbɛdi wo adeɛ a hwɛ wo akontagye. Abusua mu no nyinaa pɛ ne sɛ wↄn dehyeɛ bɛware ↄmani; wↄse obi nware ne kuro man-ni nnu ne ho. Ahↄhoↄ wareɛ deɛ bue! Kameyɛmakasɛ ɛyɛ akyiwadeɛ ne ne titiriw ne ↄhↄhoↄ a wↄnnim n’ase. Ɛwↄm sɛ awofↄ ne abusua awaregyeɛ nhyehyɛe yi retↄ nsuom nso Akanini ↄbadwene biara ware onipa a wↄn awofoↄ pene so nkutoo.

Bɛdɔm yɛn YouTube amammerɛ fɛkuo no.

Akanfoↄ Amammerɛ : ↄyere nya

Akanfoↄ wↄ akwan ahodoↄ num a wↄfa so nya ↄyere.

1. Sɛ wↄbɛse ababaawa no pɛ – mpenatwe

2. Awofoↄ no bɛhyehyɛ awareɛ no firi wↄn mmↄfrase – Asiwa

3. Sɛ ɛna, agya anaa ↄyↄnkoↄ bi de wↄn dehyeɛ bɛma – ↄdↄware 4. Ↄhyɛ aware:

a. Sɛ wobɛdi obi adeɛ aware ne yere aka ho – Kuna-baa

b. Ahenesɛm:

• Nkonwa yere – ayetɛ

• Ntaafoↄ awareɛ

5. Sɛ wↄde ababaawa si ka ano – awowa awareɛ

Mpenatwe

Ↄbarima ne ↄbabaa hyia akwan ahodoↄ pii so. Wↄhyia a wↄtumi di wↄn ho wↄn ho nkutaho. Ɛbɛtumi ayɛ beaɛ bi ta sɛ afahyɛ ase, aye ase ne dwumadie bi a ɛtete sɛ yeinom. Ɛba no saa a, nkataesia siesie wↄn ho amapa. Mmerateɛ nso hwehwɛ mu yi wↄn akoma mu tↄfe. Amammerɛ kwan so no, ↄbaa ntumi nse ↄbarima pɛ na mmom ↄbarima na ↄse ↄbaa pɛ. Ababaawa wↄatete no angye ↄbarima no ho a, ↄbɛse no sɛ: ‘m’awofo pene so a mɛware wo. Bio, ɛbɛtumi aba sɛ ababaawa bi ne abranteɛ bi yɛ bↄ fipam firi wↄn mmↄfrase; ɛba no sa a, wↄnim wↄn ho wↄn nti wↄtumi bɛyɛ mpa mu adↄfo.

Asiwa

Akanfo amammerɛ mu no, ɛyɛ mmusuo sɛ ↄbaa a ↄmmuu ne nsa da bɛkↄ awareɛ. Na mmom ↄbaa a ↄte saa no awofoↄ bɛtumi de no ama asiwa. Asiwa yɛ awareɛ nsɛso bi a abayewa bi awofoↄ ne ↄbarima bi nam amammerɛ kwan so de wↄn nsa hyɛ nhyehyɛe ase de wↄn ba baa no ma daakye aware. Nhyehyɛe no mu no, ↄbaa no tena n’awofoↄ nan ase kↄpem sɛ ↄbɛduru awareɛ mfeɛ so. Nyehyɛe yi farebae gu ahodoↄ mmienu:

• Ↄbarima bɛtumi ahunu ↄsↄↄnↄ bi a ↄbɛ no ↄyere; ɛba no sa a ↄne abayewa no awofo si nkonwa ma wↄde no ma no asiwa.

• Abayewa awofo nso bɛtumi atu saa ananbↄn yi ade wↄn dehyeɛ no ama ↄbarima sɛ ne daakye yere. Wↄtaa yɛ sei de yi ↄbarima no ayɛ wↄ dwuma a wↄadi ama wↄn pɛn.

Dↄ-Yere

Ↄbarima wↄfa tumi ma no ↄyere; ababaawa awofoↄ nso ntumi de no ma ↄbarima aware. Wↄtaa yɛ sa de kyerɛ ↄdↄ soronko a wↄwↄ ma ↄbarima no. su soronko bi a ↄbarima no wↄ nso tumi yɛ wↄn nnyinasoↄ. Enti wↄde wↄn ba baa no ma no sɛ ɛbɛyɛ na wↄbɛnya suban a wↄn anigye ho no bi wↄn abusua no mu.

Ↄhyɛ-Aware

Wei yɛ awareɛ bi a onipa de ne tiri gye ɛsiane amammerɛ bi nti. Ɛgu ahodoↄ pii; na deɛ ɛdi mu akoten na ɛdidisoↄ yi:

Kuna-Yere: Mpɛn pii no, ↄdiadeni ware ↄwufoↄ no yere. Wↄyɛ saa de gye ↄbaa okunafo no tena abusua no mu. Na mmom ↄbarima biara kɛkɛ yere wu a wↄnsi no ananmu.

Aye-Tɛ: Sɛ nkonwa yere kↄ ne kraakyi a, ↄhene tumi ma owufoↄ no abusua-panyin ma ne nsiananmu. Ɛba no sa a, abusua-panyin no yɛ abusua-nhyiamu ma wↄyi ↄbaabunu a ↄnhunuu ↄbarima da de no ma ↄhene no.

Ahene-Yere Ntaa: Mmaa ntaafoↄ a wↄne ↄhene mmↄ abusua no bɛyɛ ↄhene nkonwa yere amammerɛ kwanso. Wↄwo wↄn pɛ, wↄtu ↄbↄfoↄ kↄbↄ ↄhene no amanneɛ. Ↄhene no nso kↄyɛ wↄn ayɛ. Enti firi saa berɛ no ara mu wↄbɛyɛ ↄhene no yere.

Awowa-Yere

Ansa na wↄrebɛbra sɛ wↄde onipa si ka ano no, na wↄtumi de ↄbaa si ne nua barima, ne wↄfa anaa ne na busuani biara ka ano. Ɛba no saa a, sikamani no tumi ware ↄbaa no amammerɛ kwan so.

Bɛdɔm yɛn YouTube amammerɛ fɛkuo no. Wobɛnya amammerɛ ahodoɔ pii nkyerɛkyerɛ mu.